KEK akuzohet se me mihje po rrënon shtëpitë e Grabovcit të Ultë [video]

29 Nëntor 2016 - 19:26      

Banorë të 20 shtëpive në fshatin Grabovc i Ulët i komunës së Fushë Kosovës, ankohen se Miniera e KEK-ut, ua ka shkatërruar shtëpitë si pasojë e gërmimeve që bëhen në këtë pjesë, raporton KTV.

Ata thonë se edhe pse largësia nga vendi i punimeve duhej të ishte mbi 250 metra larg shtëpive, KEK-u nuk po e respekton këtë dhe po punon hiç më larg se 50 metra nga trojet e tyre, e që për pasojë ua ka dëmtuar muret dhe bazamentin e shtëpive.
Për këtë arsye, banorët kanë paditur KEK-un dhe pas 2 ditësh pritet të mbahet seancë për këtë rast.
Ata ankohen edhe për papastërtinë që krijohet duke treguar se ka pasur të sëmurë rëndë si pasojë e ajrit të ndotur.

Ndërkaq, sipas zëdhënësit të Korporatës Energjetike të Kosovës, fshati Grabovc është jashtë zonës së zhvillimit të aktiviteteve xehtare të mihjes së KEK-ut dhe dëmtimi i shtëpive të kësaj lagje nuk është bërë për shkak të punimeve të KEK-ut.

Nga ana tjetër, edhe ky mur mbrojtës vërehet se ka rënë nga niveli dhe banorët thonë se këtu vërehet më së miri pakujdesia e Korporatës karshi shëndetit të banorëve.

KEK akuzohet se me mihje po shtëpitë e... by kohanet

© KOHA. Të gjitha të drejtat janë të rezervuara.