Katër vjet nga pafajësia e Haradinajt, Brahimajt dhe Balajt nga Gjykata e Hagës

29 Nëntor 2016 - 10:33      

Gjykata Ndërkombëtare për Krime Lufte në ish-Jugosllavi, për të dytën herë ka shpallur si të pafajshëm për të gjitha pikat e aktakuzës ish-luftëtarët e Ushtrisë Çlirimtare të Kosovës, Ramush Haradinaj, Lahi Brahimaj dhe Idriz Balaj.

Tribunali Ndërkombëtar i Hagës kishte hedhur poshtë të gjitha akuzat kundër ish- kryeministrit të Kosovës, Ramush Haradinajt, Idriz Balajt dhe Lahi Brahimajt, ish-pjesëtarë të Ushtrisë Çlirimtare të Kosovës, të cilët akuzoheshin për krime kundër njerëzimi, transmeton KP.

Aktpadia kundër Haradinajt, i cili njëherësh është edhe kryetar i Aleancës për Ardhmërinë e Kosovës, ishte ngritur vetëm 100 ditë pasi që është emëruar në postin e kryeministrit të Kosovës, nga i cili post ai ka dhënë dorëheqje më 8 mars të vitit 2005, për të udhëtuar të nesërmen vullnetarisht në Hagë.

Veprimet e tij atëbotë janë vlerësuar lart nga autoritetet ndërkombëtare.