Nisma e Prizrenit dënon sulmin në Konsullatën e Turqisë

28 Nëntor 2016 - 14:17      

Nisma për Kosovën-dega Prizren reagon ashpër ndaj sulmeve të tilla, siç ndodhi sot në Konsullatën e Përgjithshme të Turqisë në Prizren, njofton kumtesa partiake, transmeton koha.net.

Sulmi ndaj Konsullatave të Shteteve më të cilat Kosova më mund të madh po ndërton marrëdhënie ndërshtetërore dhe aq më shumë sulmi ndaj shteteve mike që kontribuuan aq shumë për Kosovën, është më se i papranueshëm dhe si të tillë NISMA-dega në Prizren i dënon ashpër, vazhdon kumtesa.

Ne duhet të jemi në përpjekje të vazhdueshme që në vendin tonë të sundoi rendi dhe ligji, të instalohet funksionimi i një shteti juridik, e jo të kemi akte të tilla dhune. Republika e Kosovës mundë të dëmtohet rëndë nga kjo që ndodhi sot, duke sulmuar Konsullatën e një shteti mik, shtet ky i cili ka dhënë dhe po vazhdon të jap në vazhdimësi një kontribut të madh në kontekst të zhvillimit ekonomik dhe të funksionalizimit të shtetësisë së Kosovës. 

© KOHA. Të gjitha të drejtat janë të rezervuara.