“Keqardhje e Editës që në Ditën e Flamurit s’është në Prishtinë, por në Bruksel”

28 Nëntor 2016 - 13:00      

Kryedialoguesja e Kosovës me Serbinë në bisedimet Brukselit, Edita Tahiri, nuk ka mundur ta kremtojë Ditën e Flamurit sot në Kosovë dhe për këtë ajo ka shfaqur keqardhje.

Sepse, në vend se ta kremtonte këtë festë në Kosovë , Editës i është dashur të shkojë në Bruksel për çështje shtetërore, bisedime me zyrtarë të Beogradit për tema rreth Kosovës.

Në kumtesën zyrtare është shfaqur keqardhje për këtë që i ka ndodhur ministres dhe në të është shkruar.

“Ministrja për Dialog, Edita Tahiri ka deklaruar se kjo është hera e parë në jetën e saj që për ditën e flamurit kombëtar ka vendosur të punojë në vend se të festoj siç e kanë pasur traditë familjare, mirëpo ka thënë se këtë po e bënë me kërkesën e përfaqësuesve të BE-së sipas agjendës së të cilëve këto takime janë kërkuar. Ajo ka përcjellë urimin më të përzemërt për festën e flamurit gjithë shqiptarëve kudo ku janë”.
E po punët e shtetit duan sakrifica, si kjo e Editës që në vend të Prishtinës, në Ditën e Flamurit të jetë në Bruksel.

Vërtet sakrificë!

© KOHA. Të gjitha të drejtat janë të rezervuara.