“Kryeqyteti pa status” [video]

26 Nëntor 2016 - 22:22      

Prishtina si një kryeqytet pa status ligjor, vjen me një seri artikujsh, si tema e javës këtë të diel me Koha Ditore.

Në këta artikuj, do të mund të lexoni për nevojën urgjente të nxjerrjes së një ligji për kryeqytetin dhe për Prishtinën si selia simbolike e shtetit.

Se çfarë ligji mund ta funksionalizojë Prishtinën dhe për qeverisjen komunale të kryeqytetit, flet në një intervistë Besnik Tahiri, drejtor i Institutit Kosovar për Qeverisje Lokale.

Më tutje, do të lexoni një reportazh nga Prizreni, për objektin e braktisur që u bë qendër rehabilituese, kurse te Kosovarçe do të njiheni me historinë e gazetarit që la gazetarinë për t’u marrë me bujqësi.

Te bota, nga San Salvadori do të lexoni për krimin e të qenit i bukur, si dhe për lokalin me staf sirianë, që ka sjellë një Siri në mes të Gjermanisë.

Në faqet e kulturës do të njiheni me pëlhurat që bartin artin aziatik deri në Prizren, dhe me Pokemonin që po zëvendësohet me libra edhe në Kosovë.

Paqja si sinonim i dashurisë dhe dashuria si vetë jeta, përcjell 7 shkronjat e aktores Anisa Ismaili, kurse te monumenti do të njiheni me kompleksin me stil, i fshehur në qendër të Prishtinës.

Ndërkaq, ndjekësit e sportit do të njihen me Fortesa Oranën dhe medaljet e saj në karate, dhe me Emin Ajvazin si “Al Capone” i futbollit kosovar.

Këto, dhe artikuj të tjerë nga shkenca, teknologjia dhe moda, mund t’i lexoni në 82 faqet e numrit të nesërm në Koha Ditore. 

© KOHA. Të gjitha të drejtat janë të rezervuara.

“Kryeqyteti pa status” by kohanet