Daçiq në Madagaskar tregon se ku mund të shkojë Kosova

24 Nëntor 2016 - 14:58      

Antananariva, 24 nëntor – Nuk është qëllim, as dëshirë e Serbisë izolimi i askujt, por është kundër politizimit të punës së organizatave ndërkombëtare nga Organizata Ndërkombëtare e Frankofonisë (OIF), në të cilën Kosova ka marrë statusin e vëzhguesit, UNESCO dhe të gjithë sistemit të KB, deklaroi sot ministri i Jashtëm i Serbisë, Ivica Daçiq, transmeton Koha.net.

Siç raporton FoNet, ai i ka bërë thirrje kësaj organizate në samitin 32 të OIF-së, që po mbahet në Madagaskar, që, siç citohet të jetë shprehur, “me qëndrime të veta parimore të kontribuojë në suksesin përfundimtar të dialogut Beograd – Prishtinë, në funksion të stabilitetit politik dhe ekonomik të Ballkanit Perëndimor”.

Siç ka thënë ai, Kosova mund të marrë pjesë në organizatat rajonale dhe në një varg organizatash të tjera ndërkombëtare, por me status neutral dhe në përputhje me Rezolutën e KS të KB 12 44.

© KOHA. Të gjitha të drejtat janë të rezervuara.