Shoqëria civile përsëritë tri kërkesat për “Drejtësi për Astritin” [video-live]

24 Nëntor 2016 - 12:27      

Në minutën e 26 të protestës, Besa Luzha, në emër të organizatorëve të protestës “Drejtësi për Astritin” ka kërkuar një minutë heshtje, me simbolikë të moshës së aktivistit të Vetëvendosjes që vdiq në Qendrën e Paraburgimit në Prizren.

Luzha ka përsëritur edhe njëherë kërkesat e shoqërisë civile, që janë hetim i pavarur dhe i paanshëm, vendor ose ndërkombëtar, që të shkarkohen të gjithë drejtuesit e institucioneve përgjegjëse për të ofruar siguri për jetën e një të burgosuri, në këtë rast për Astrit Deharin, si dhe dorëheqje nga minsirtja e Drejtësisë, Dhurata Hoxha dhe ministri i Punëve të Brenshme, Skënder Hyseni.

Para të pranishmëve ka folur edhe aktivistja e SKV-së, Nurmishahe Demaliaj, ish-shoqe e afërt e Deharit.

Qindra qytetarë tashmë janë nisur në marshin e qetë për në sheshin “Zahir Pajaziti” në kërkim të drejtësisë për 26 vjeçarin.

© KOHA. Të gjitha të drejtat janë të rezervuara.