Me 064, “alo” nga Kllokoti, Shtërpca... në Mitrovicë, gëzohet shumë Gjuriq

23 Nëntor 2016 - 23:31      

I ashtuquajturi drejtor i të ashtuquajturës Zyrë për Kosovën, Marko Gjuriq ka thënë se Marrëveshja për Telekomunikacionin është në fuqi e çështja e Trepçës duhet të zgjidhet me bisedime, transmeton Koha.net.

Ai, njofton “Blic” i Beogradit, ka thënë sot në Mitrovicë se marrëveshja për telekomunikacionin që e kanë arritur Beogradi e Prishtina në Bruksel është çështje teknike dhe se e gjithë marrëveshja është në fuqi dhe se ajo po zbatohet.

“I gëzohem shumë momentit kur nga numri 064 do t’iu thërras nga Shtërpca e Kllokoti e nga shumë vende të tjera kur deri më tash nuk kam mundur ta thërras askënd dhe ku mijëra njerëz tanë mund të shfrytëzojnë shërbimet e telefonisë sonë mobile e të cilët kanë qenë në njëfarë getoje telefonike. Tani bllokada është eliminuar”, ka thënë Marko Gjuriq.

© KOHA. Të gjitha të drejtat janë të rezervuara.