Prokuroritë e Kosovës dhe Shqipërisë hetojnë të arrestuarit për terrorizëm

24 Nëntor 2016 - 06:31      

Terrorizmi dhe droga kanë sjellë në Shqipëri shefin e Prokurorisë Speciale të Kosovës, Reshat Millaku. I shoqëruar nga tre ndihmës të tij, Millaku është parë të mërkurën duke dalë pas takimit që ka zhvilluar me prokurorin e Krimeve të Rënda të Shqipërisë, Eugen Beci, i cili po heton dosjen e katër të arrestuarve të fundit për terrorizëm, në bashkëpunim me Prokurorinë e Kosovës, shkruan sot “Koha Ditore”.

Burimet e gazetës kanë thënë se takimi ka zgjatur disa orë dhe se drejtuesi i Prokurorisë Speciale të Kosovës , Millaku, ka njoftuar prokurorin Beci për ecurinë e hetimeve në Kosovë, transmeton Koha.net.

Se çfarë është diskutuar për këtë dosje mes të dyja palëve nuk jepet informacion, për shkak se hetimet konsiderohen sekrete. Aq më tepër që dy nga të arrestuarit në Kosovë kanë pranuar të rrëfehen duke hedhur dritë mbi planin e një celule të ISIS-it që kishte planifikuar të kryente akt terrorist në stadiumin “Loro Boriçi” gjatë ndeshjes Shqipëri-Izrael.(Artikullin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.