“Drini i Bardhë” akuzon Agjencinë Kosovare të Privatizimit [video]

23 Nëntor 2016 - 19:25      

Drejtues të kompanisë rajonale të ujitjes “Drini i Bardhë”, akuzojnë Agjencinë Kosovare të Privatizimit që, në mënyrë të paligjshme, kësaj ndërmarrjeje ia kanë tjetërsuar pronën, raporton KTV.

Beqë Hadërgjonaj, kryesues i bordit në kompaninë “Drini i Bardhë”, kishte paditur në Dhomën e posaçme të Gjykatës Supreme këtë agjenci dhe Komunën e Deçanit.

Hadërgjonaj thotë se kjo pronë prej 38 hektarësh që nga viti 1957 i takon kësaj ndërmarrjeje. Këtë ndërrim prone Kuvendi Komunal i Deçanit e kishte bërë për shkak të interesit të banorëve të këtij vendi. Zyrtarët komunalë nuk japin ndonjë sqarim për sa i përket ndërrimit të këtij vendimi.

Pas ankesës së marrë nga kompania “Drini i Bardhë”, AKP-ja ka vendosur të anulojë kontratën për këmbimin e pronës. AKP thotë se në baze të dokumenteve me të cilat posedon dhe që është bazuar, prona është shoqërore e ndërmarrjes “Ndërtimtaria”, në Deçan.

“Drini Bardhë” akuzon Agjencinë Kosovare të... by kohanet

© KOHA. Të gjitha të drejtat janë të rezervuara.