“Kosova është e përkushtuar t’i kryejë obligimet që ajo ka para vetes”

23 Nëntor 2016 - 14:22      

Kryetari i Kuvendit, Kadri Veseli, priti në takim drejtorin për Ballkanin Lindor në Ministrinë e Punëve të Jashtme të Gjermanisë, Christian Hellbach, ku biseduan për zhvillimet aktuale në Kosovë, aspiratat integruese të Kosovës dhe çështjet që duhet të adresohen gjatë kësaj periudhe.

Veseli falënderoi Gjermaninë për ndihmën saj të pakursyer ndaj Kosovës në shumë drejtime, duke e konsideruar atë si “njërin ndër përkrahësit më të mëdhenj të vendit tonë”, mbështetje kjo e cila është e nevojshme edhe në të ardhmen.

Kryetari i Kuvendit theksoi se Kosova është duke kaluar nëpër një fazë mjaft sfiduese, me çështje që duhet të adresohen sa më shpejt, në mënyrë që qytetarët e Kosovës të lëvizin lirshëm në zonën Schengen.

“Kosova është e përkushtuar t’i kryejë obligimet që ajo ka para vetes”, ka thënë Veseli.

Tutje, Veseli dhe Hellbach kanë biseduar edhe për demarkacionin me Malin e Zi dhe për themelimin e Asociacionit të komunave me shumicë serbe. 

© KOHA. Të gjitha të drejtat janë të rezervuara.