Murati: Vdekja e Deharit është politizuar, të gjithë krijuam të vërtetat tona për të

23 Nëntor 2016 - 00:02      

Ministri i Diasporës dhe kryetari i Lëvizjes për Bashkim, Valon Murati, ka thënë se rasti i vdekjes së Astrit Deharit është politizuar jashtë mase, derisa ka kërkuar që për këto raste të kërkohet përgjegjësi dhe t’u besohet institucioneve të Kosovës.

“Për mua personalisht është politizuar jashtë mase, unë besoj që duhet të fillojmë që rastet e tilla të kërkojmë përgjegjësi dhe t’u besojmë institucioneve. Këto ditë të gjithë u bëmë ekspert dhe e kishim shumë të vështirë ta mendojmë situatën. Ka pasur shkelje të ligjeve, ka pasur shkelje të procedurave penale dhe administrative”, ka thënë Murati.

“Përndryshe do ta kemi të vështirë që të besojmë në një të vërtetë sepse të gjithë po i krijojmë të vërtetat tona. Unë jam i prirur ti besojë të vërtetës zyrtare, gjithë duke shpresuar dhe duke bërë thirrje që të zgjerohen hetimet për t’u hequr gjitha dilemat se për çfarë bëhet fjalë”.

© KOHA. Të gjitha të drejtat janë të rezervuara.