Scott: S'ka indikacione se Trump do ta ndryshojë politikën për pavarësinë e Kosovës

22 Nëntor 2016 - 22:44      

“E di se shumë njerës në Serbi shpresojnë se Trump do ta ndryshojë politikën ndaj pavarësisë së Kosovës. Nuk do të them se kjo është pamundur, por në fushatën e Trumpit nuk ka indikacione se diçka e tillë do të mund të ndodhë”, ka thënë , Kyle Scott, ambasador i SHBA në Serbi, transmeton Koha.net.

Ai ka theksuar se politika e Washingtonit ndaj Serbisë nuk do të ndryshojë pas zgjedhjeve presidenciale në SHBA.

"Kur bëhet fjalë për Serbinë, qëllimet kryesore mbeten stabiliteti, rritja ekonomike, përmirësimi i marrëdhënieve me fqinjët. E di se shumë njerëz në Serbi shpresojnë se Trump do ta ndryshojë politikën ndaj pavarësisë së Kosovës. Nuk do të them se kjo është pamundur, por nuk ka indikacione në fushatën e Trumpit se diçka e tillë do të mund të ndodhë”, citon rts të ketë thënë Scott duke përkujtuar se SHBA Serbinë në 15 vjetët e fundit e kanë ndihmuar me më shumë se 350 milionë dollarë.

Ai ka thënës se nuk pret që SHBA do ta ndryshojë shumë politikën në rajon.

"Nuk ka arsye të besojmë e Donald Trump do të sjellë ndryshime të mëdha në raport me Ballkanin”, ka thënë ai.

Sipas rts, Serbia është partneri i 17-ti me rëndësi në botë i SHBA-së.

© KOHA. Të gjitha të drejtat janë të rezervuara.