Surroi: Pushteti ka pasur interes t’i transmetojë videot nga burgu

22 Nëntor 2016 - 20:42      

Publicisti e shkrimtari, Veton Surroi në një intervistë për Rubikon të KTV-së ka komentuar transmetimin e xhirimeve nga qendra e paraburgimit në Prizren dhe publikimin e një pjese që thuhet të jetë ditari i Astrit Deharit.

Sipas tij pushteti ka pasur interes që t’i transmetoj ato.

“Nuk mund të hyj dikush dhe të thotë a m’i huazon se sonte dua t’i emetoj. Ajo instancë e pushtetit, unë supozoj se është pjesë e pushtetit të kapur, ka pasur interes ta transmetoj dhe ta transmetoj natyrisht në media që janë të afërta me të”, ka thënë ai.

Surroi theksoi se ai që merr pjesë në emetim është padyshim pjesë e zinxhirit që i ka vjedhur ato dëshmi.

“Ai që merr pjesë në emetim, merr pjesë në zinxhirin që e ka vjedh se është vjedhje e dëshmisë dhe është përdorim i dëshmisë së vjedhur”, përfundoi Surroi.

© KOHA. Të gjitha të drejtat janë të rezervuara.