SHBA inkurajon luftimin e korrupsionit në Kosovë

22 Nëntor 2016 - 15:34      

Prishtinë, 22 Nëntor 2016 – Drejtori i Agjencisë kundër Korrupsionit, Shaip Havolli priti sot në takimin e parë njoftues, ambasadorin amerikan në Kosovë, Greg Delawie, me të cilin bisedojë rreth angazhimeve të Agjencisë në zhvillimin e politikave kundër korrupsionit në Kosovë.

Përmes një komunikate për media bëhet e ditur se Havolli e njoftoi diplomatin amerikan me prioritetet e Agjencisë dhe sfidat me të cilat po përballet në zhvillimin e politikave anti- korrupsion, ndërsa përmendi angazhimet që po bëhen në forcimin e politikave kundër korrupsionit, për të siguruar zbatimin maksimal të kuadrit ligjor, transmeton Koha.net.

Më tutje thuhet se Delawie i siguroi mbështetje të pa rezervë në punën e tij dhe angazhimeve në luftimin dhe parandalimin e korrupsionit në Kosovë, që në fakt janë dy shtyllat kryesore të misionit të Agjencisë. Ai po ashtu shprehu gatishmërinë, për thellimin e bashkëpunimit dhe garantojë përkrahje në fuqizimin e politikave anti-korrupsion drejtë realizimit me sukses të mandatit të saj.

Të dy bashkëbiseduesit u dakorduan për fuqizimin e përpjekjeve për luftimin dhe parandalimin e korrupsionit në Kosovë që esencialisht sigurojnë zhvillimin e një shoqërie me vlera demokratike.

© KOHA. Të gjitha të drejtat janë të rezervuara.