Tenderë për lule, televizor dhe rroba në Presidencë e ministri [video]

21 Nëntor 2016 - 19:21      

Janë të thirrur për të punuar në të mirë të qytetarëve, por zyrtarët më të lartë të shtetit po e shfrytëzojnë secilën mundësi për të përfituar për vete.

Përfaqësues të shoqërisë civile, të gjitha qeveritë prej kohës sa Kosova është shtet i pavarur i kanë emëruar si keqpërdorues të buxhetit.

Nga njoftimet e publikuara në faqen zyrtare të komisionit rregullativ të prokurimit publik shihet se si zyrtarë të Republikës në periudhë shumë të afërt kanë shpenzuar mijëra.

Zyra e presidencës vetëm brenda muajit nëntor ka shpallur tender për blerjen e luleve për nevojat e Zyrës së Presidentit, për Furnizim me televizorë LED për nevojat e Zyrës se Presidentit.

Po brenda këtij muaji ministria e drejtësisë ka shpallur tenderë për blerjen e telefonave.

Hiç më pak nuk ka shpenzuar edhe ministria e integrimeve evropiane e ministria e punëve të brendshme ku shpenzimet më të mëdha janë bërë kryesisht për blerjen e mobileve e të pajisjeve teknologjike si dhe veshje për zyrtarë.

© KOHA. Të gjitha të drejtat janë të rezervuara.