“Koalicioni qeverisës s’mund të funksionojë me shantazhe” [video]

21 Nëntor 2016 - 19:07      

Kërcënimeve të Listës Serbe se nuk do të kthehen në institucione pa u themeluar Asociacioni i Komunave me shumicë serbe u është përgjigjur shefi i Qeverisë, kryeministri Isa Mustafa.

Ai ka thënë se nuk do të pranojnë kushte nga askush dhe Asociacioni nuk do shfrytëzohet për pazare politike.

Sipas kryeministrit, Statuti i Asociacionit nuk mund të hartohet pa u kthyer serbët në Qeveri e Kuvend.

Analisti Driton Selmanaj, thotë se Qeveria e Kosovës në asnjë rast nuk duhet të bie pre e kërcënimeve të serbëve, dhe të mos bëjnë asnjë lëvizje jashtë asaj që ka vendosur Gjykata Kushtetuese për asociacionin.

Nga ana tjetër, ministrja për Dialog, Edita Tahiri, i ka thënë “Kohës Ditore” se nisja e veprimeve për themelimin e Asociacionit të Komunave me shumicë serbe do të ndodhë pas 15 dhjetorit kur Kosova ta marrë kodin telefonik.

© KOHA. Të gjitha të drejtat janë të rezervuara.