Kosovës, shuplakë e madhe për cilësinë e derivateve të naftës [video]

20 Nëntor 2016 - 21:02      

Përpos një numri të madh vërejtjesh tjera, Kosova në raportin e progresit ka marrë një shuplakë të madhe për cilësinë e derivateve të naftës, moskontrollin e tij dhe lejimin e përdorimit të automjeteve të vjetra.

Në këtë raport, Bashkimi Evropian ka kërkuar që të ndërmerren veprime urgjente në fushën e standardeve dhe kontrolleve të ndotjes nga transporti.

Raporti saktëson se duhet përforcuar legjislacioni në kontrollimin teknik të makinave, kualitetin e naftës si dhe në substancat shteruese të ozonit dhe gazrave të fluorit.

Sipas ekspertëve të ambientit, ndotja nga automjetet zë 40% të ndotjes së përgjithshme në vend dhe për ndryshimin e kësaj situate duhet të ndërmerren masa urgjente.

Ndërsa, drejtuesit e Shoqatës së Naftëtarëve thonë se me këtë raport është vërtetuar kërkesa e kamotshme e bërë për t’u kontrolluar derivatet nëpër kufijtë e Kosovës.

Mirëpo, Inspektorati i Tregut në MTI thotë se deri më 10 të këtij muaji, në bazë të analizave të bëra në 487 mostra të marra, 455 prej tyre kanë dalë në rregull.

© KOHA. Të gjitha të drejtat janë të rezervuara.

Kosovës, shuplakë e madhe për cilësinë e... by kohanet