PD-ja e Çerkezit në pritje të përgjigjes nga KQZ-ja, thotë se po dëmtohet politikisht [video]

20 Nëntor 2016 - 19:23      

Partia e Drejtësisë ka mbetur e bllokuar nga KQZ-ja. Për kryetar të ligjshëm, KQZ-ja ende e njeh Ferid Aganin, por në fundin e shtatorit, një kuvend i jashtëzakonshëm i një pjese të strukturave të PD-së e shkarkoi Aganin dhe në vend të tij zgjodhi Sylejman Çerkezin.

Ish-deputeti Çerkezi, thotë se pritja e një përgjigjeje nga KQZ-ja për certifikimin e kuvendit po u kushton politikisht.

Faktin që Ferid Agani vazhdon ta përfaqësojë PD-në, Çerkezi e quan një veprim të ulët nga ana e tij, pasi 80 % e degëve kanë qenë për shkarkimin e tij.

KTV-ja ka kontaktuar me ish-ministrin Agani, por ai nuk ka dashur të prononcohet për këtë temë deri në vendimin përfundimtar të KQZ-së.

Përderisa në Komisionin Qendror të Zgjedhjeve, në interesimin e KTV-së se pse nuk ka një vendim lidhur me kërkesën për certifikimin e kuvendit të PD-së, pavarësisht se ka kaluar më shumë se 1 muaj, krejt çka kanë thënë është se kërkesa është në shqyrtim.

© KOHA. Të gjitha të drejtat janë të rezervuara.