“Ndërprisni dialogun me Prishtinën derisa Trumpi të inaugurohet”

20 Nëntor 2016 - 20:31      

Kryetari i Partisë Popullore Serbe, Nenad Popoviq i ka bërë thirrje Qeverisë së Serbisë të ndërpresë dialogun Prishtinë-Beograd dhe zbatimit të marrëveshjeve të Brukselit.

Kjo sipas tij duhet të zgjasë deri në vendosjen e administratës së re amerikane të udhëhequr nga Doland Trump. Popoviq ka folur kështu duke u mbështetur në atë se me Trumpin do të ndryshojë edhe qasja ndaj Serbisë, transmeton Koha.net.

“Jam i bindur se pas 20 janarit, kur do të jetë inaugurimi i presidentit të ri të SHBA-së, qëndrimi amerikan ndaj Serbisë do të ndryshojë dhe për këtë arsye Qeveria jonë nuk duhet të nxitojë për përmbushen e premtimeve të bëra tek politikanët në Bruksel e Washington”, ka shtuar Popoviq.

Popoviq beson se Beogradi duhet të refuzojë marrëveshjet e reja dhe të kaluara sepse ato marrëveshje, sipas tij, po dëmtojnë interesat shtetërore dhe paraqesin kërcënim territorial për Serbinë.

© KOHA. Të gjitha të drejtat janë të rezervuara.