“Administratorët” kërkojnë statusin kontributdhënës për vitet 1988 -1999 [video]

19 Nëntor 2016 - 19:15      

Njohjen e statusit kontribut - dhënës gjatë viteve 1988 – 1999, po e kërkojnë edhe rreth një mijë ish-punëtorë të Administratës Publike, të cilët u larguan padrejtësisht nga puna, raporton KTV.

Për t’u bërë pjesë e Ligjit për Skemat Pensionale të Financuara nga Shteti, Sindikata e Pavarur e Administratës Publike po kërkon që të bëhet plotësim - ndryshimi i këtij ligji.

Duke e vlerësuar ligjin si diskriminues, ata tashmë i janë drejtuar me kërkesa Ministrisë së Punës dhe Mirëqenies Sociale, Kuvendit të Kosovës, si dhe Avokatit të Popullit. Por, deri tash nuk kanë marrë asnjë përgjigje.

E, në Ministrinë e Punës thonë se nuk mund t’u njihet si kontribut vetëm se ata u larguan nga puna pasi situata ishte e tillë.
Gjithashtu, sipas zyrtarëve të kësaj ministrie, ligji është duke pësuar ndryshim-plotësime, por kushtet buxhetore nuk e lejojnë të hyjnë në këtë ligj si kategori kontributdhënëse.

“Administratorët” kërkojnë statusin... by kohanet

© KOHA. Të gjitha të drejtat janë të rezervuara.