Kelmendi: Unë jam meritor, qeveria e kaluar kishte një kalavesh zv.kryeministrash

18 Nëntor 2016 - 23:57      

Zëvendësministri i ri i Qeverisë së Kosovës, Ramiz Kelmendi ka folur në “Interaktiv” të KTV-së, për zhvillimet me personalitetin e tij politik.

Ai ka thënë se është më meritori për të qenë zëvendëskryeministër për çështje ekonomike, teksa flet edhe për zëvendëskryeministrat e qeverisë së kaluar, transmeton Koha.net.

“Në qeverinë e kaluar ka pasur një kalavesh zëvendëskryeministrash, unë jam meritor për çështjen ekonomike. Kam ardhur në përfundim se do të ketë lehtësira për prodhuesit vendorë, duke pasur më shumë fitim”, ka thënë Kelmendi, që ka shtuar se është ndryshe dhe do të shihet se ndryshimet do të përshëndeten nga akterët ekonomikë.

Kelmendi ka thënë se me kolegun e tij, Hajredin Kuçi ka bërë një plan të ri.

“Bisedën e bëj me të gjithë ministrat, me Hajredin Kuçin kemi ardhur në përfundim që duhet punësuar rreth 100 persona në gjykata që të zgjidhen kontestet ekonomike, për t’i përfunduar këto lëndë më shpejtë”, shtoi Kelmendi, i cili tha se kompania e tij do të stagnojë sepse nuk do të jetë aty, “si deputet kisha angazhim dy ditë në javë, e tash çdo ditë”.

© KOHA. Të gjitha të drejtat janë të rezervuara.