Një delegacion britanik u takua me zyrtarë të LDK-së

18 Nëntor 2016 - 16:01      

Sot, Sekretari i Përgjithshëm dhe Kryetari i Grupit Parlamentar të Lidhjes Demokratike të Kosovës, Ismet Beqiri, Ministri i Financave, njëherësh dhe anëtar i Kryesisë së LDK, Avdullah Hoti, Kryetarja e Komisionit Parlamentar për Integrime Evropiane-znj. Njomjza Emini, pritën një delegacion të fondacionit Britanez “Westminister Foundation for Democracy”, në përbërjen e të cilit ishin : Devin O’Shaughnessy, Drejtor i Programit – WFD, z. Chris Levick- Menaxher i programit për zyret në Evropë dhe Azinë Qëndrore, z.Blerim Vela-udhëheqës i zyrës në Kosovë ,ambasadori i Britanisë së Madhe Ruairi O’Connel.

Në këtë takim Sekretari i Përgjithshëm i LDK-së, Ismet Beqiri ,anëtari i Kryesisë së LDK-së,Avdullah Hoti dhe deputetja Njomza Emini, informuan delegacionin për historikun, funksionimin, nevojat dhe objektivat e LDK-së.

Gjatë këtij takimi u identifikuan fushat në të cilat mund të ketë bashkëpunim në mes të LDK-së dhe këtij fondacioni.
Kjo vizitë ishte në kuadër të fushatës për në lansimin e projektit për përkrahjen e zhvillimeve të partive në Kosovë