Veseli tregon pse u mbajt sonte mbledhje e Kryesisë

17 Nëntor 2016 - 22:26      

Kreu i Kuvendit të Kosovës, Kadri Veseli, pas mbledhjes urgjente të Kryesisë ka treguar për arsyen pse u dashtë të mbahet sonte.

Seanca është caktuar për 13 ditë më pas.

“Takimi ka qenë një mbledhje e rregullt e Kryesisë së Kuvendit, në fakt ka qenë më tepër çështje teknike për përcaktimin e një seancë parlamentare, e cila do të jetë më datën 30 nëntor. E kemi lënë për këtë datë për vet faktin se një pjesë e madhe e Kryesisë të Kuvendit, por po ashtu edhe të deputetëve, do të mungojnë dhe për të mos humbur një sesion parlamentar, atëherë e kemi vendosur sonte në orët e vonshme ta mbajmë këtë mbledhje”, tha Veseli pas takimit.

Burime të Koha.net brenda Kuvendit, bëjnë të ditur se Sabri Hamiti dhe Xhavit Haliti assesi nuk mund të ishin pjesë e mbledhjes së Kryesisë së Kuvendit të Kosovës, e cila do të mbahej të hënën, dhe për këtë arsye kjo mbledhje u mbajt sonte, në orët e natës.