Opozita lë fajtor Mustafën në dështimin për viza [video]

17 Nëntor 2016 - 19:12      

Kryeministri Mustafa ka zgjedhur orët e vona të së mërkurës për të shfryer në Facebook nervozen për dështimin e Kosovës në procesin e liberalizimit të vizave, raporton KTV.

I nxitur nga suksesi i Gjeorgjisë dhe Ukrainës për të lëvizur lirshëm në zonën Shengen, ai ka gjetur fajtorët e dështimit, e që sipas tij janë AAK-ja, pjesa tjetër e opozitës, pak deputetë të LDK-së dhe ata të Listës Serbe, transmeton Koha.net.

Por, akuzat e tij janë parë me sarkazëm nga ana e opozitës. Ndërsa deputeti Shpejtim Bulliqi deklaroi së nuk e ka në plan të merret me qëndrimet e kryeministrit, por do të mbajë qëndrimin e tij profesional rreth demarkacionit.

E opozita i është kundërpërgjigjur duke i thënë se Lista Serbe është produkt i koalicionit të tij me PDK-në e Hashim Thaçit.

Kosova përfundimisht humbi shpresën për liberalizim të vizave gjatë këtij viti, pas publikimit të raportit të progresit, ku u tha se vendi ynë ende nuk ka përmbushur 2 kritere, demarkacionin dhe korrupsionin. Por, për korrupsionin kryeministri nuk ka fajësuar askënd.

© KOHA. Të gjitha të drejtat janë të rezervuara.