Togeri i Policisë, Bulent Zenuni, dyshohet se shiti jashtëligjshëm një pronë serbe

17 Nëntor 2016 - 06:45      

Dhjetë mijë euro dyshohet se i ka përfituar togeri i Policisë së Kosovës për rajonin e Vitisë, Bulent Zenuni, gjatë një procesi të shitblerjes së një prone, e cila është në pronësi të një serbi me emrin, Ljubisa Aleksandar Kovacevic.

Në kallëzimin penal, të cilin e posedon “Koha Ditore”, Zenuni, i cili aktualisht është i suspenduar nga pozita e togerit, ka falsifikuar dokumente duke ofruar autorizim të rremë për shitjen e kësaj prone te një shqiptar me emrin, Zekir Hajdari në vitin 2013.

Mirëpo, deri më tani togeri nuk ka arritur të bartë këtë pronë në pronësi të Hajdarit dhe as t`ia kthejë paratë që ia kishte marrë. Si pasojë, togeri po dyshohet për kryerjen e dy veprave penale: keqpërdorim i detyrës zyrtare, si dhe falsifikim i dokumenteve.

(Artikullin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.