Tanin: Vdekja e Astrit Deharit të hetohet në mënyrë të pavarur

16 Nëntor 2016 - 21:32      

Përfaqësuesi special i Sekretarit të Përgjithshëm të OKB-së dhe Shefi i UNMIK-ut në Kosovë, Zahir Tanin, në paraqitjen e raportit tremujor për Kosovën në Kombe të Bashkuara, ka theksuar se shumë prej pritjeve politike me të cilat ka filluar Kosova vitin 2016, kanë nxjerrë pak rezultate, me të cilat kanë besuar. Ka përmendur që marrëveshja për demarkacionin me Malin e Zi nuk është ratifikuar ende, ndërsa theksohet edhe liberalizimi i vizave që ende nuk është arritur.

Në raport theksohet se dhuna politike e muajve më të hershëm është ndalur, por pikëpamjet e ndryshme të partive politike, janë po aq të ndara dhe shoqëria vazhdon të jetë e ndarë, dhe kjo sipas raportit është fatkeqësi.

Ai përmend edhe takimin e Presidentit Hashim Thaçi me familjet e të zhdukurve, ku siç thuhet në raport, kjo çështje është duke u trajtuar në mënyrë humanitare dhe jo politike.

“Aprovimi i Ligjit për Trepçën në mënyrë të përshpejtuar ka dal si barrierë që ka krijuar reaksione mes serbëve të Kosovë dhe Beogradit, ku si pasojë serbët e Kosovës e kanë ndal bashkëpunimin qeveritar me institucionet e Kosovës”m thuhet në raport.

Në raport flitet për gjendjen e papunësisë, për të ardhmen evropiane të Kosovës dhe rajonit, për zhvillimet politike në komuna dhe zhvillime tjera dhe për zbatimin e ligjit, transmeton KosovaPress.

“Vdekja e Astrit Deharit, aktivist i Vetëvendosjes, ka ngritur shumë brenga dhe ka shtuar indinjatë. Për veç pyetjeve që janë ngritur, duhet të zhvillohet një hetim i pavarur”, thekson raporti.

Po ashtu theksohet edhe arrestimi i të dyshuarve që kishin për qellim ndërmarrjen e sulmeve terroriste në Kosovë dhe rajon.