Ryshfeti sfidon vende të Europës

16 Nëntor 2016 - 10:32      

Ryshfeti për policinë dhe zyrtarët publik është shumë i përhapur në së paku tre shtete të Bashkimit Evropian, thuhet në hulumtimin e ri.

Një në tre persona mendojnë se Rumania është vendi ku ryshfeti është i përhapur për qasje në shërbimet publike, thuhet në hulumtimin e kryer nga Traunsparency International, transmeton Koha.net.

Një çerek i të anketuarve kanë dhënë të njëjtën përgjigje në Lituani, krahasuar me një në pesë persona në Hungari.

Ky hulumtim vjen pas paralajmërimeve të Transparency International se dështimi për të luftuar korrupsionin po vjen si pasojë e ngritjeve të partive populiste dhe nacionaliste në Europë.

Prej vendeve të tjera evropiane, që shihen se e kanë shkallën më të lartë të korrupsionit, sipas raportit Barometri i Korrupsionit Global 2016, janë Moldavia, Kosova dhe Ukraina.

Katër në pesë njerëz kanë vlerësuar se qeveria spanjolle nuk po bën asgjë në luftimin e korrupsionit në vend. Pas saj janë Ukraina, Moldavia dhe Bosnje e Hercegovina.

Në Ukrainë, Shqipëri, Bosnjë Hercegovinë, e disa vende të tjera, më tepër se gjysma e të anketuarve thanë se përfaqësuesit e tyre parlamentarë janë të korruptuar në nivel të lartë.

© KOHA. Të gjitha të drejtat janë të rezervuara.