Sektori privat, gjeneratori kryesor i punësimit

16 Nëntor 2016 - 10:05      

Ministrja e Tregtisë dhe Industrisë, Hykmete Bajrami, mori pjesë sot në panelin ”Lufta kundër papunësisë përmes ndërmarrësisë”, organizuar nga Oda Ekonomike Amerikane në Kosovë, në kuadër të aktiviteteve të Javës Globale të Ndërmarrësisë, transmeton Koha.net.

Në fjalën e saj, ministrja Bajrami foli për angazhimin e Qeverisë së Kosovës rreth luftës kundër papunësisë në Kosovë, përmes fuqizimit të sektorit privat dhe rritjes së konkurrueshmërisë së ndërmarrjeve kosovare, si gjeneruesit kryesorë të krijimit të vendeve të punës në vendin tonë, programeve dhe projekteve për trajnime specifike bazuar nga kërkesat në sektorë të ndryshëm të bizneseve, intership biznesi, harmonizimin sa më mirë të tregut të punës me arsimimin në Kosovë, subvencioneve për kurse intensive profesionale për studentë, pajisje me certifikata kredibile për vende të reja pune, qasje në financa etj.

Ajo shtoi se gjithmonë ka sfida për ndërmarrësit e rinj dhe se MTI-ja është e përkushtuar në përmirësimin e ambientit të biznesit për ndërmarrësit e rinj. 

© KOHA. Të gjitha të drejtat janë të rezervuara.