Rrymë ka, furnizimi ndërpritet shkaku i rrjetit të dobët

16 Nëntor 2016 - 09:09      

Ndërprerjet e furnizimit me energji elektrike, sidomos në zona rurale, kanë ngritur shqetësim të madh tek qytetarët. Ky shqetësim është ngritur edhe në Komisionin për Zhvillim Ekonomik, me ç’rast kryetari i Komisionit, Muhamet Mustafa, ka kërkuar nga përfaqësuesit e Zyrës së Rregullatorit të Energjisë arsyet e ndërprerjes së energjisë. Ai ka pyetur nëse ka korrelacion ndërprerja e energjisë me rritjen e eksportit dhe me rënien e importit.

Mirëpo ushtruesi i detyrës së kryesuesit të Bordit të ZRRE-së, Krenar Bujupi, ka thënë se ndërprerja e energjisë po ndodh shkaku i rrjetit të dobët dhe punimeve në mirëmbajtje të rrjetit, dhe se për këtë ZRRE-ja ka marrë një plan nga KEDS-i, shkruan sot “Koha Ditore”.

“Korrelacioni për këtë ekziston mes importit dhe ‘Ferronikelit’. Konsumatorët e mëdhenj me Ligjin e ri kanë dalë në tregun e hapur, i cili nuk është i rregulluar. Në momentin që ka dalë ‘Ferronikeli’ nevojat për import janë zvogëluar dukshëm, kemi prodhim vendor, ndërsa eksporti është rritur”, ka thënë Bujupi... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.