“Nëse bën pavarësia e Kosovës, pse nuk bën ajo e Republikës Srpska”

15 Nëntor 2016 - 23:24      

Valid Fares, këshilltar i kryetarit të sapozgjedhur amerikan Donald Trump për çështje të jashtme, duke analizuar shpalljen e pavarësisë së Kosovës, është përpjekur që po këtë të drejtë ta kenë edhe serbët në Bosnjë e Hercegovinë, transmeton Koha.net.

Ai, siç njofton gazeta “Veçernje Novosti" e Beogradit, në një analizë të veten publikuar në vitin 2007, ka thënë se serbët në B e H bëjnë 31 për qind e nuk iu jepet e drejta ta kenë shtetin vet, ndërsa shqiptarëve, ë cilët bëjnë 14 për qind të popullatës në Serbi , SHBA dhe Europa Perëndimore t’ua njohin pavarësinë.
Pra, ka thënë ai, po këtë të drejtë për vetëvendosje duhet dhënë edhe serbëve në B e H, sepse, sipas kësaj gazete serbe, Ballkanit kështu do t’i jepej rasti për paqe.

Shqiptarët, ka thënë Fares, janë shumicë në krahinën në të cilën kanë të drejtë, por edhe serbët e kanë këtë të drejtë në B e H.
Sipas asaj që ka përzgjedhur kjo gazetë e Beogradit, Fares është pyetur pse SHBA-ja është kundër një grupi të caktuar pa marrë para sysh argumentet e tij? Në Bosnjë serbëve u mohohen të drejtat që të ndahen nga boshnjakët myslimanë, e në Kosovë serbët detyrohen ta pranojnë ndarjen e myslimanëve shqiptarë.

© KOHA. Të gjitha të drejtat janë të rezervuara.