Ymeri: Nuk dimë asgjë edhe për hetimet e vdekjes së Arbnor Deharit

15 Nëntor 2016 - 20:53      

Krahas nënës, babait dhe bashkëshortes së aktivistit të ndjerë të LVV-së, Astrit Deharit në vizitat që i janë bërë atij në kohën sa ishte në paraburgim ishte gjithmonë edhe një anëtar i subjektit të tij politik.

Kryetari i kësaj lëvizje, Visar Ymeri në Rubikon të KTV-së ka thënë se lidhja e këtij fakti nuk përbën dëshmi kredibile.
“Vizita e shokëve në burg nuk besoj se ka diçka të keqe. Edhe unë nesër po të isha në burg do të doja që krahas familjes dhe bashkëshortes e cila është edhe shoqe të vijnë edhe shokët”, ka thënë ai.

Tutje Ymeri foli edhe për rastin e vëllait të Astritit, i cili ndërroi jetë rreth dy vjet më herët, Arbnor Deharit.

“Ai hetim nuk ka përfunduar kurrë, tash dy vjet e gjysmë Arbnori ka ndërruar jetë. Ne dhe as familja nuk dimë rreth qartësimit dhe hetimit se si ka ndërruar jetë Arbnor Dehari”, ka thënë Ymeri lidhur me rastin e vëllait të Astrit Deharit.

© KOHA. Të gjitha të drejtat janë të rezervuara.