Ymeri: Maxhuni është i lidhur me Reçicën, kriminelin e SHIK-ut

15 Nëntor 2016 - 20:29      

Lideri i Lëvizjes Vetëvendosje, Visar Ymeri, në një intervistë për emisionin Rubikon të KTV-së, ka thënë se një grup brenda Policisë së Kosovës është i përfshirë në rastin e Astrit Deharit, derisa drejtorin e Policisë, Shpend Maxhunin e ka quajtur person i lidhur ngushtë me Elmi Reçicën.

Ymeri ka përmendur Shpend Maxhunin, Luan Kekën dhe Fatos Makollin, si pjesëtarë të policisë që janë përfshirë në rastin e Deharit.

“Shpend Maxhuni është i përfshirë dhe është qartazi i lidhur me Elmi Recicën. Luan Keka është në këtë grup dhe mund të jetë edhe Fatos Makolli”, ka thënë Ymeri.

“Duhet ta kemi parasysh se sipas rezultatit të obduksionit dhe bisedës me mjekët është dëshmuar se Astrit Dehari ka pasur një vdekje të dhunshme, është dëshmuar se asfiksia e shkaktoi vdekjen e tij”, ka thënë Ymeri.

© KOHA. Të gjitha të drejtat janë të rezervuara.