Gjermania, e gatshme të vazhdojë mbështetjen për FSK-në

15 Nëntor 2016 - 14:46      

Ministri i Forcës së Sigurisë së Kosovës, Haki Demolli, priti në takim ambasadoren e Gjermanisë në Kosovë, Angelika Viets, gjatë të cilit takim, dy zyrtarët diskutuan për bashkëpunimin e shkëlqyeshëm mes dy vendeve dhe për gatishmërinë që ky bashkëpunim të thellohet në të gjitha sferat e interesit të përbashkët.

Ministria e FSK-së thotë se ministri Demolli ka nënvizuar kontributin e vazhdueshëm të qeverisë së Gjermanisë për FSK-në, dhe ndër të tjera, e ka njoftuar diplomaten gjermane edhe me zhvillimet e përgjithshme të FSK-së, bashkëpunimin rajonal dhe ndërkombëtar, sukseset e veçanta në ushtrimet ndërkombëtare të FSK-së dhe me zhvillimet rreth procesit të transformimit FSK-së në Forca të Armatosura të Kosovës.

Nga ana e saj, ambasadorja Viets shprehu gatishmërinë për të vazhduar bashkëpunimin në interes të të dyja vendeve dhe dy ministrive si dhe në veçanti mbështetjen e Forcës së Sigurisë së Kosovës. 

© KOHA. Të gjitha të drejtat janë të rezervuara.