Kosova pret ndihmën e Malit të Zi për liberalizim vizash [video]

14 Nëntor 2016 - 19:22      

Dështuan që ta votojnë në Kuvend një deklaratë të përbashkët përmes së cilës do t’i kërkonin BE-së që t’ia hiqnin Kosovës demarkacionin si kusht për liberalizim, e këtë po tentojnë ta bëjnë përmes Malit të Zi.

Kreu i Kuvendit, Kadri Veseli, ka treguar se është në kontakt me krerët shtetërorë të Malit të Zi, të cilët shpejt pritet t’i drejtohen zyrtarisht BE-së ku do t’i kërkojnë që Kosova të mos e ketë kusht demarkacionin për lëvizje të lirë, raporton KTV.

Por, për opozitën, vetëm zgjedhjet do ta nxirrnin vendin nga kriza.

Galuk Konjufca i Vetëvendosjes tha se Kosova nuk ka llogari ta mbajë këtë Qeveri, e cila po del të jetë dhe vdekjeprurëse për qytetarët e Kosovës.

Ndryshe, mbledhja e Kryesisë ka dështuar të mbahet në mungesë kuorumi.

Por, kryetari i Kuvendit, Kadri Veseli, ka treguar se këtë javë do të ketë dy seanca. Të enjten do të jetë vazhdim me pikat e mbetura nga seanca e kaluar, ndërsa të premten seancë e re plenare. 

© KOHA. Të gjitha të drejtat janë të rezervuara.