Rritet interesimi i kompanive franceze për investime në Kosovë

14 Nëntor 2016 - 15:13      

Gjatë takimit ndërmjet ministres së Tregtisë dhe Industrisë së Kosovës, Hykmete Bajrami dhe ambasadorit të Francës në Kosovë, Didier Chabert, ky i fundit ka bërë të ditur se kompanitë franceze kanë rritur interesimit të kompanive franceze që të bëjnë biznes në Kosovë.

Përmes një komunikate për media bëhet e ditur se tema kryesor e këtij takimit ishte thellimi i bashkëpunimit ekonomik në mes të Republikës së Kosovës dhe Republikës së Francës, transmeton Koha.net.

“Bajrami e informoi ambasadorin francez rreth proceseve reformave ekonomike që ka ndërmarrë Kosova në funksion të përmirësimit të ambientit të të bërit biznes si dhe implementimin e Marrëveshjes për Stabilizim Asociim. Në anën tjetër, Chabert shprehu gatishmërinë e shtetit francez për intensifikimin e marrëdhënieve ekonomike me Republikën e Kosovës”, thuhet në komunikatë.

Më tutje thuhet se ambasadori francez ka thënë se ka një rritje të interesimit të kompanive franceze për të investuar në Kosovë.

Bashkëbiseduesit u pajtuan që të intensifikohet puna e përbashkët institucionale me qëllim të identifikimit të projekteve konkrete dhe bashkëpunimit në fushën e ekonomisë dhe investimeve.

© KOHA. Të gjitha të drejtat janë të rezervuara.