BE-ja shpreson në vazhdimin e bashkëpunimit me SHBA-në rreth Ballkanit

14 Nëntor 2016 - 07:00      

Ministrat e jashtëm të Bashkimit Evropian (BE) janë mbledhur të shtunën mbrëma në një “darkë joformale” për të diskutuar rreth raporteve me Shtetet e Bashkuara të Amerikës dhe ndikimit që do të ketë në ato raporte fitorja e Donald Trumpit në zgjedhjet e fundit amerikane.

Askush në BE nuk e kishte dëshiruar fitoren e Donald Trumpit në zgjedhjet presidenciale amerikane, por tash krerët e BE-së duan që ta shohin atë sa më parë që të jetë e mundshme në Bruksel në një samit me BE-në, ku do të shihnin se si do të mund të zhvilloheshin raportet në të ardhmen, shkruan sot Koha Ditore.

Në BE ka qenë e qartë pse nuk e duan fitoren e Trumpit dhe është e qartë pse ende kanë frikë nga drejtimi që do të ketë administrata e re e udhëhequr nga ai.

Ata shpresojnë se si president Trumpi do të jetë ndryshe nga ai i cili ishte në fushatën zgjedhore. Po të përmbushë Trumpi atë që ka thënë nuk do të jetë mirë për BE-në dhe frika edhe më e madhe është se fitorja e tij do t’u jepte shtytje forcave të ekstremit të djathtë dhe populist në Evropë. (Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.