Ndërtimi i qendrës së re diagnostikuese për kancerin e gjirit mund të vonohet [video]

13 Nëntor 2016 - 19:18      

Projekti për ndërtimin e një qendre të re diagnostikuese për kancerin e gjirit mund të vonohet për finalizim, pasi nuk po përkrahet nga institucionet.

Ndonëse klinika e radiologjisë ka kryer të gjitha procedurat, për të nisur punën ky projekt në fund të vitit ata nuk kanë marrë përgjigje rreth renovimit të hapësirave për të vendosur aparaturat, raporton KTV.

Drejtoria e SHSKUK-së nuk ka dhënë përgjigje për këtë çështje, ndërsa në Ministrinë e Shëndetësisë e quajnë ende projekt ide e nuk dinë shumë për përmbajtjen e tij.
I pari i ministrisë së shëndetësisë, Imet Rrahmani, premtoi se do të angazhohet për ngritje të kapaciteteve për gratë me këto probleme, duke iu referuar edhe projektit “Mamo2”.

Rrahmani në një përgjigje me telefon i ka thënë KTV-së se i duhet kohë për të siguruar detaje rreth këtij projekti, ani pse i njëjti i është paraqitur para më shumë se një viti.

Projekti që kap shifrën prej 240 mijë eurove do të jetë pikë referuese për të gjitha gratë si qendër shtetërore diagnostikuese.

© KOHA. Të gjitha të drejtat janë të rezervuara.