Në KPK ka anëtarë që mandati iu vazhdua jashtëligjshëm [video]

13 Nëntor 2016 - 19:11      

Kanë kaluar 6 vjet që Këshilli Gjyqësor i Kosovës dhe ai Prokurorial, funksionojnë si institucione të pavarura, por të cilat sipas Institutit të Kosovës për Drejtësi, nuk po arrijnë të gjejnë rrugën e duhur për të ushtruar veprimtarinë sipas ligjit.

Një analizë e shkurtër me titull “Paligjshmëria e Këshillit Gjyqësor dhe Këshillit Prokurorial”, iu referohet vendimeve të kundërligjshme dhe mungesës së legjitimitetit, të cilat, sipas këtij hulumtimi, po rrezikojnë funksionimin e ligjshëm të dy Këshillave, duke krijuar pasiguri juridike edhe pasoja të mëdha për sistemin gjyqësor dhe prokuroria, raporton KTV.

Në këtë konferencë u tha se Këshilli Prokurorial që nga shkurti i këtij viti është duke vepruar në kundërshtim me ligjin, pasi që një anëtar i këtij këshilli, Idain Smajli, po vazhdon punën, pavarësisht që i ka përfunduar mandati.

Përfaqësues të IKD-së folën edhe për politikëbërjen e KGJK-së dhe vendimet e kundërligjshme, të cilat, sipas tyre, cenojnë rëndë paanshmërinë dhe besueshmërinë e procesit të rekrutimit të gjykatësve.

© KOHA. Të gjitha të drejtat janë të rezervuara.