Kujdes me hidro

13 Nëntor 2016 - 08:02      

Projektet e shumta hidroenergjetike kërkojnë të fusin në tuba lumenjtë, duke vënë në rrezik mjedisin dhe të ardhurat e gjeneruara nga turizmi. Ndërtimi i hidrocentraleve po rrezikon çdo ditë e më shumë ekzistencën e zonave të mbrojtura. Situata paraqitet mjaft problematike në pjesën më të madhe të lumenjve, ku raportet e fizibilitetit të bëra nga institucionet qeveritare tregojnë se do të këtë ndërtim hidrocentralesh.

Gjurmët më të dallueshme të gjendjes alarmante, që është krijuar nga dhënia e lejeve, hasën në Lumëbardhin e Deçanit. Funksionalizimi i dy hidrocentraleve në Bellajë e Deçan ka bërë që Lumëbardhi gjatë muajve të verës të thahet nga mungesa e ujit, shkruan sot “Koha Ditore”.

Rreziku i Deçanit i kanoset edhe Pejës, Gjakovës e Prizrenit. Lumenjtë e këtyre qyteteve rrezikojnë të futen në tuba.

Me gjithë kundërshtimet e nivelit lokal për ndërtimin e hidrocentraleve, Ministria e Zhvillimit Ekonomik planifikon që ndërtimi i hidrocentraleve do të vazhdojë, duke e cilësuar si detyrë ekskluzive të nivelit qendror. Udhëheqësit komunalë, në anën tjetër, po i kundërshtojnë këto projekte, të cilat i cilësojnë në kundërshtim me planet zhvillimore të qyteteve përkatëse. Por një kundërshtim të tillë e pati bërë edhe kryetari i Deçanit, Rasim Selmanaj, e që më vonë ishte tërhequr dhe kishte lejuar ndërtimin e dy hidrocentraleve në komunën që e udhëheq... (më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.