Tankosiq-Kelly: Hidrocentralet e vogla për interesa të tjera, më shumë se për rrymë

13 Nëntor 2016 - 07:02      

Kosova ka kapacitet të vogël të ujërave. Me kapacitetin aktual ndërtimi i minihidrocentraleve për prodhim të energjisë më shumë mund ta dëmtojë Kosovën se sa t’i sjellë përfitime energjetike. Kjo çështje, sipas Garret Tankosiq-Kelly, i cili është kryesues i fondacionit rajonal “See Change Net” mund të sjellë pasoja të mëdha për Kosovën.

Grupi i udhëhequr nga Tankosiq- Kelly është një “Think tank” rajonal i cili si objektivë të rëndësishme e ka edhe çështjen e ujërave në raport me energjetikën. Në intervistën për “Kohën Ditore” Tankosiq-Kelly ka folur për papërgatitjen e Kosovës në sfidat e prodhimit të energjisë dhe arritjen e objektivave të Bashkimit Evropian.

Projektet e hidrocentraleve, sipas tij, në Kosovë nuk janë të planifikuara mirë. Ai ka krahasuar Kosovën me vendet e rajonit në vitet ‘90. Ka përmendur Slloveninë si një shembull që ka shkatërruar lumenjtë me minihidrocentrale. Sipas tij, një shembull të tillë po e bëjnë edhe vendet e tjera pas me shumë se dy dekadave.

Sipas tij, Kosova duhet të jetë e kujdesshme në përdorimin e ujit për shkak të ndryshimeve të klimës globale. Ngrohja globale pritet të ulë për 30 për qind reshjet në gjithë botën dhe kjo, sipas tij, përbën problem sidomos për Kosovën, e cila edhe ashtu nuk ka kapacitete të mjaftueshme të ujit... (intervistën e plotë e gjeni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.