MASHT kërkon 1.5 milion euro për objekte shkollore [video]

12 Nëntor 2016 - 21:17      

Ministria e Arsimit për ndërtimin e 5 objekteve të reja shkollore ka kërkuar 900 mijë euro, 300 mijë i ka kërkuar për renovimin e 2 shkollave si dhe 300 mijë të tjera për ndërtimin e 3 sallave sportive.

MASHT, në bashkëfinancim me donatorë për ngritje të infrastrukturës shkollore, i ka kërkuar Ministrisë së Financave 50 mijë euro për vazhdim të punimeve të papërfunduara të vitit 2016, raporton KTV.

E po ashtu për vazhdim të punimeve nga viti 2016, MASHT ka kërkuar buxhet prej 2 milion e 120 mijë eurove për gjithsej 7 projekte.

Mjetet për ndërtimin e këtyre objekteve shkollore shumë shpejt pritet t’i shkojnë Ministrisë së Administratës Publike, kjo si rezultat i një marrëveshjeje të nënshkruar ndërmjet dy palëve për menaxhimin e ndërtimit të objekteve shkollore.  

© KOHA. Të gjitha të drejtat janë të rezervuara.

MASHT kërkon 1.5 milion euro për objekte shkollore by kohanet