Ndahet nga jeta profesor Arben Puto

12 Nëntor 2016 - 11:28      

Ka ndërruar jetë mesditën e djeshme akademiku profesor Arben Puto, akademik, një nga studiuesit e njohur të historisë së Shqipërisë dhe pedagog për shumë vite i lëndës së të Drejtës Ndërkombëtare në Universitetin e Tiranës.

Prof. Puto u lind në prill 1924 në Gjirokastër dhe u shkollua në Liceun Francez të Korçës. Mësimet parauniversitare e kreu në Liceun francez të Korçës (1935- 1939), në Liceun francez dhe Liceun klasik në Romë.

Mori pjesë në LANÇ, fillimisht në Gjirokastër, pastaj në Tiranë. Arsimin e ndërprerë e përfundoi pas çlirimit në gjimnazin e “Tiranës”, sot gjimnazi “Qemal Stafa” më 1946.

Studimet e larta i kreu në Moskë në Fakultetin e Drejtësisë dhe i përfundoi më 1951 në degën e së Drejtës Ndërkombëtare Publike. Me hapjen e UT-së më 1957 punoi si pedagog deri më 1990.

Ishte autor i një serë veprash mbi marrëdhëniet ndërkombëtare të Shqipërisë, si dhe i historisë së vendit kryesisht në periudhën nga Pavarësia deri në Luftën e Dytë Botërore. Ai ka themeluar dhe drejtuar Komitetin Shqiptar të Helsinkit.

© KOHA. Të gjitha të drejtat janë të rezervuara.