Gashi: Gardianët duhej arrestuar e të burgosurit e dhomës së Deharit të transferohen

12 Nëntor 2016 - 00:01      

Tomë Gashi, avokat i familjes Dehari për rastin e vdekjes së të riut Astrit Dehari, ka thënë se ende nuk e dinë se kur do të dalin rezultatet finale të obduksionit.

“Sepse edhe ato në fakt janë duar të pushtetit. Në fund prokurori vendos për rastin, e do duhej të jetë i bazuar në provat që janë gjetur. Familja Dehari dhe gjithkush duhet t’u besoj hetimeve kur ato janë të pavarura. Por këtyre hetimeve të montuara...”, ka thënë Gashi.

Ai ka thënë se gardianët dhe oficerët që kanë qenë aty do të duhej të ishin të suspenduar e të arrestuar ndërsa të paraburgosurit që kanë qenë në dhomë me Astrit Deharin do të duhej të ishin të transferuar në qendra të tjera të shërbimit korrektues.

“Ata gardianë nuk janë njerëz në radhë të parë, e shihni si sillen, aq ftohtë me trupin e Astritit. Ata i kanë nën kontroll të paraburgosurit e tjerë dhe deklaratat e tyre tashmë e kanë humbur besimin”, ka thënë Gashi.

© KOHA. Të gjitha të drejtat janë të rezervuara.