Tomë Gashi tregon se kush ka përgjegjësi për daljen e pamjeve nga burgu

11 Nëntor 2016 - 23:49      

Avokati i familjes Dehari, për rastin e vdekjes së Astrit Deharit, Tomë Gashi në “Interaktiv” të KTV-së ka sqaruar se çka ka bërë pas publikimit të pamjeve nga korridori i qelisë ku vdiq Dehari.

“Prokurori i Prizrenit, Sylë Hoxha ka deklaruar se të gjitha provat janë marrë nga vendi i ngjarjes dhe se ato janë të sigurta dhe në duar të policisë. Prokurori nuk i ka mbajtur premtimet e veta. Unë e kam thirr prokurorin, teksa isha i shokuar për rrjedhjen e këtyre provave, e ai thotë se edhe ai është i shqetësuar dhe se është në takim me struktura, duke menduar se çka do të ndërmarrin”, ka treguar Gashi, transmeton Koha.net.

Ai ka rënditur zinxhirin institucional që është përgjegjës për këtë rrjedhje të provave.

“Personat përgjegjës të Drejtorisë Rajonale të Policisë së Kosovës në Prizren, personat përgjegjës të Ministrisë së Brendshme dhe Institutit të Forenzikës”, ka shtuar Gashi.

Ai, gjithashtu, ka thënë se kur merr një provë dikush për ta përdorur, e nënshkruan një letër, e kështu mund të dihet zinxhiri se kush i ka marrë format.

© KOHA. Të gjitha të drejtat janë të rezervuara.