Si të bëhet me markë tregtare Kosova

11 Nëntor 2016 - 15:36      

Ministrja e Tregtisë dhe Industrisë, Hykmete Bajrami, mori pjesë në konferencën “Krijimi i Brendeve dhe Zhvillimi Rajonal në Kosoovë” organizuar nga Dhoma Ekonomike e Grave të Kosovës - G7, EAC Klubi i Bizneseve Sllovene në Kosovë, ARDA, RRA Nova Gorica Slloveni, JICA dhe USAIDI, njofton kumtesa ministrore, transmeton Koha.net.

Në këtë konferencë Bajrami foli për rëndësinë e konceptit të brendimit kombëtar dhe atij rajonal, i cili sot konsiderohet si model tepër i rëndësishëm për zhvillimin ekonomik.

Ajo u shpreh se Ministria e Tregtisë dhe Industrisë dhe Qeveria po punojnë në mënyrë të vazhdueshme që Kosova të ketë markë tregtare / brendim të vendit e cila do të nxirrte në pah përparësitë konkurruese dhe veçoritë e karakteristikat e vendit tonë.

Bajrami theksoi se “brendimi i mirë i shtetit bën që mallrat dhe shërbimet të jenë më tërheqëse për eksport, të rritet interesi i turistëve për të vizituar vendin, rrit atraktivitetin e vendit për investitorët e huaj etj.”

© KOHA. Të gjitha të drejtat janë të rezervuara.