Shtatë të dyshimtëve për terrorizëm, një muaj paraburgim

11 Nëntor 2016 - 11:39      

Gjykata Themelore në Prishtinë – Departamenti për Krime të Rënda duke vendosur lidhur me kërkesat e Prokurorisë Speciale të Republikës së Kosovës të dt. 09.11.2016 dhe dt. 10.11.2016 për caktimin e paraburgimit kundër 7 të pandehurve, njofton kumtesa nga Gjykata, transmeton Koha.net.

Ata janë t XH.T , M.SH , B.P , L.S, A.K, H.R, F.G , dhe ndaj tyre ekziston dyshimi kanë kryer veprën penale Përgatitja e veprave terroriste ose veprave kundër Rendit Kushtetues dhe Sigurisë së Republikës së Kosovës nga neni 144 lidhur me nenin 31 të KPK, ka mbajtur seancën dëgjimore dhe me dt.11.11.2016 ka marr aktvendim që kundër shtatë të pandehurve të caktohet masa e PARABURGIMIT në kohëzgjatje prej një muaji .

Ekziston dyshimi i bazuar se të pandehurit i takojnë organizatës terroriste ISIS, në atë mënyrë që gjatë muajve shtator- tetor 2016 në bashkëkryerje edhe me shumë të pandehur të tjerë dhe sipas udhëzimeve të -ish udhëheqësit të shqiptarëve në Siri – Lavdim Muhaxheri, kanë përgatitur sulmet terroriste në territorin e Ballkanit, dhe atë së pari në Kosovë, për të sulmuar ndërkombëtarët dhe institucionet tjera të sigurisë, me qëllim që seriozisht të frikësojnë popullsinë, të destabilizojnë dhe të shkatërrojnë strukturat themelore, politike, kushtetuese, ekonomike dhe sociale të shteteve të ndryshme e pastaj në territorin e tyre të krijojnë Shtetin Islamik andaj duke marrë parasysh veprën penale për të cilën dyshohen , të njëjtit po të gjenden në liri mund të arratisen dhe mund të jenë të paarritshëm për organet e ndjekjes.

Gjithashtu dyshohet se të gjithë të pandehurit kanë pasur kontakte me persona tjerë të Maqedonisë dhe Shqipërisë, të cilët mund të jenë të përfshirë në organizatën terroriste ISIS, ashtu që kjo rrethanë tregon rrezikun se të njëjtit mund të arratisen për tu larguar nga Kosova .

© KOHA. Të gjitha të drejtat janë të rezervuara.