ZPD: Gjyqtarja Alltëne Murseli qëllimisht zvarriti hetimin e veçantë ndaj Enver Hasanit

11 Nëntor 2016 - 07:39      

Alltëne Murseli, gjyqtare në Gjykatën Themelore të Prishtinës, ka zvarritur qëllimisht kërkesën e Prokurorisë Speciale për hetim të veçantë ndaj ish-kryetarit të Gjykatës Kushtetuese, Enver Hasani, sipas Zyrës së Prokurorit Disiplinor (ZPD).

Kjo zyrë këto ditë ka përfunduar hetimet ndaj gjyqtares, të cilat i kishte filluar muaj më parë.

“Koha Ditore” ka mësuar nga burimet e veta se ZPD-ja i ka rekomanduar Komisionit Disiplinor në kuadër të Këshillit Prokurorial të Kosovës që ta shpallë fajtore për neglizhencë, si dhe të ndërmarrë masa disiplinore ndaj saj.

Në anën tjetër, vetë gjyqtarja nuk ka dashur të komentonte këtë rekomandim.

ZPD-ja ka ardhur në përfundim se Murseli ka neglizhuar vitin e kaluar kërkesën e prokurorisë që të zhvillojë një hetim të veçantë ndaj Hasanit, para se të akuzohej për keqpërdorim të detyrës zyrtare dhe falsifikim të dokumentit zyrtar në kohën sa ishte në krye të Kushtetueses. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.