Presidenti në fushatë, mbledh mësuesit dhe u flet për paga

11 Nëntor 2016 - 06:39      

Edhe pse tashmë në rolin e presidentit të Republikës, Hashim Thaçi ka mbledhur një grup të madh mësimdhënësish të Komunës së Kaçanikut për t’u shtruar darkë dhe për të diskutuar rreth pagave të tyre.

Madje, që ky takim të bëhej në kohën e caktuar, drejtuesit e disa shkollave në Komunën e Kaçanikut kanë mbyllur institucionet e arsimit para orarit të caktuar, shkruan sot Koha Ditore.

E gjithë kjo është bërë me dijen e Qeverisë së Kosovës dhe Ministrisë së Arsimit, udhëheqësit e së cilës madje e kanë shoqëruar president Thaçin në darkë, ku, përveç tyre dhe udhëheqësve komunalë, morën pjesë rreth 300 mësimdhënës kaçanikas.

I vetëdijshëm se po luante rolin e ekzekutivit, presidenti Thaçi u përpoq të arsyetonte organizimin e tillë.
“Sonte nuk kam ardhur për t’iu premtuar mësimdhënësve se do t’ua rris pagat, por nëse Qeveria e Kosovës do të marrë një vendim të tillë, atëherë unë do t’ju përkrah, por edhe do t’ju inkurajoj”, tha Thaçi. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.