“Obama ka tërhequr rolin e Amerikës ndaj Kosovës”

10 Nëntor 2016 - 20:38      

Udhëheqja e presidentit amerikan, Obama ka bërë që të ketë tërheqje në rolin e Amerikës ndaj Kosovës dhe Ballkanit.

Kështu u shpreh deputeti e publicisti, Blerim Shala në një intervistë për “Rubikon” të KTV-së.

Sipas Shalës, roli i Amerikës dhe rrjedhimisht ambasadës amerikane në Kosovë e Ballkan është zbutur për katër apo tetë vitet e fundit gjatë mandatit të Obamas, transmeton Koha.net.

“Roli i Amerikës nuk është siç ka qenë para 4 apo 8 viteve. As roli i ambasadorit amerikan nuk është siç ka qenë Nuk është ajo Amerikë që ka qenë para 4 viteve, njëjtë është edhe në Ballkan. Kemi pas një lloj tërheqje në kohën e Obamas”, ka thënë ai.

Ndryshe, Shala ka thënë se beson shumë se SHBA-të nuk do të ndryshojnë rolin e tyre edhe në mandatin e republikanit, Trump.

Republikanët e demokratët kanë bërë garë se kush po e përkrah më shumë Kosovën. Kështu u shpreh Shala, duke shtuar se për zgjedhjen e Donald Trump president të SHBA-së dhe mbështetjen amerikane, atë që e gëzonte Kosova deri sot dhe çfarë pritet tash e tutje.

“Kemi depërtuar hap pas hapi në SHBA. Për fatin tonë të mirë, republikanët dhe demokratët kanë bërë si një garë se kush po e përkrah më shumë Kosovën”, theksoi Shala, teksa ka thënë se zëri i Kosovës duhet të dëgjohet dhe Amerika ka nevojë ta dëgjoj atë.

Ai e përmendi edhe vizitën e ministrit britanik, Boris Johnson.

“Amerika ka nevojë që gjithmonë ta dëgjoj zërin tonë. E pamë sot Boris Johnson e përmendi Majlinda Kelmendin pasi ka bërë që të dëgjohet dhe shihet flamuri jonë. Nëse jemi aq pro amerikanë sa po themi atëherë duhet të respektojmë edhe agjendën amerikane”, përfundoi ai.

© KOHA. Të gjitha të drejtat janë të rezervuara.